最新一期綠置居嘅反應踴躍，攪珠結果已喺日前出爐，預計將會喺10月揀樓。

今期綠置居推售合共超過3,400個單位，其中有售價約118萬至385萬元嘅鑽石山啟鑽苑2112伙、青衣青富苑同埋柴灣蝶翠苑剩餘嘅共525伙；及約800個租置計劃回收單位，租置公屋售價最平約14萬。

今期綠置居申請創新高達7.2萬宗，反映住屋需求很大，唔少人渴望通過資助房屋計劃上車，位置理想嘅單位受到追捧，料鑽石山啟鑽苑會係中籤者嘅熱門選擇。

‍