房委會公佈綠置居共有約7.2萬份申請，比2019年嘅4.8萬份多約50%，亦都比房委會估計嘅6萬份要多；其中超過一半係新申請，有4.2萬份，比上期嘅4,000幾份多超過9倍。

今期綠置居推售嘅有鑽石山啟鑽苑2112個單位、柴灣蝶翠苑剩餘嘅8個單位及青衣青富苑517個單位，同埋第一次喺在綠置居計劃出售嘅約800個租置回收單位。今次反應熱烈，有房委會委員相信係同啟鑽苑鄰近鑽石山地鐵站及租置回收單位有關，除青衣青富苑全數出售有難度外，其餘單位都有望售罄。

‍