講起貸款，或者會被認為係一件可免則免嘅事，因為如果你貸款嘅話就要支付利息，未來嘅收入有部分要用喺還款上面，咁就意味住，你嘅財務運用可能會受到限制，亦有可能會增加心理壓力。但如果係以下呢幾種情況，貸款會為你帶黎好處。

1.     物業按揭貸款

物業按揭貸款嘅利率十分低，甚至可以喺稅款入面扣利息；擁有物業可以令你節省租金開支，而且樓價上漲，有價值嘅物業不斷增值，長遠黎講你嘅資產有望增加。

2.     商業貸款

如果利用低息嘅商業貸款去經營一門有利可圖嘅生意，有可能會係一個明智嘅選擇；但要注意嘅係：你需要衡量利用貸款而獲得嘅資產價值同埋借貸成本，開展業務之前亦要做足功課，以確定借貸是否值得。

3.     利用私人貸款還卡數

信用卡嘅年利率可高達30%，而且以複息計算，如果可以獲得較低利息嘅私人貸款以取代高息嘅信用卡結欠，就可以節省唔少嘅利息支出，減輕還款壓力。

‍