近日有詐騙集團假冒借貸公司職員，訛稱可以提供低息貸款並幫助提升信貸評級，騙徒透過電話接觸欠債嘅事主，當事主有意申請貸款，就會被要求透過WhatsApp提供身份證明文件同相關入息證明，並繳交保證金。騙徒收到保證金後就消失無蹤😨。

我哋喺接到陌生電話時都應該小心核實，如果係要求交出個人資料，甚至要你繳付金錢，就應該更加謹慎🧐。而事實上，合法嘅貸款公司係唔會單憑WhatsApp提供嘅簡單資料去批核貸款，更加唔會要求客戶繳付保證金。另外，提升信貸評級係需要靠長期養成準時還款嘅習慣，而非單一操作就可以改變。

中潤作為環聯會員，只會根據客戶嘅信貸紀錄借出最合適嘅金額同利率，唔會單憑簡單嘅個人資料就批出貸款，更加唔會收取保證金；亦會遵從守則，每個月報告客戶嘅供款情況，例如準時或者拖欠，貸款餘額等等，以及時反映客戶嘅信貸評級。

‍